In consegne i boletins pal paiament de Tasi

A saran consegnâts a tacâ dai 11 di Jugn lis letaris, i conts e i modei F24 pre compilâts pal paiment de Tasi, la Tasse sui servizis indivisibii. Il paiament de prime rate de Tasi al scjât ai 16 di Jugn ma i citadins a varan altris 10 dîs di timp par paiâle cence sanzions e cence nissun interès. La aministrazion comunâl e ricuarde che la Tasi e je aplicade dome aes abitazions principâls cun alicuote dal 2,5 par mil. Il Comun al ricuarde ancje che la Imu su la prime cjase e je stade eliminade, intant che pai altris imobii e va paiade dentri dai 15 di Jugn. Intes prossimis setemanis i uficis comunâi a consegnaran ancje i boletins relatîfs ae gnove tasse su lis scovacis, la Tari, che e varà di sei paiade il mês di Lui. Dutis lis informazions a son disponibilis intal sît dal Comun www.comune.udine.it ae sezion tribûts comunâi.