In scjadince la adesion al progjet “Flash Forward”

Il Comun al invide lis libraris de citât a partecipâ al progjet “Flash Forward”. Si trate di un progjet realizât adun cu lis Universitâts dal Friûl e di Triest indreçât a promovi lis laureis sientifichis intes scuelis secondariis di secont grât. Il concors al cjape dentri ancje diviers centris di ricercje de Regjon (ICTP, Area Science Park, Sincrotone, OGS, INAF, SISSA, CNR-ISMAR, Friuli Innovazione e altris) e i istitûts Malignani, Marinelli e Copernico. Pe iniziative il Comun al met a disposizion 15 cedulis libraris dal valôr complessîf di 600 euros (40 ognidune) pai students vincidôrs dai istitûts scolastics che a an partecipât al progjet. Lis libraris a podaran incressi il valôr di 40 euros metint a disposizion un valôr a libare sielte. Lis cedulis a saran validis dai 6 di Jugn ai 31 di Lui 2014. La domande e à di sei presentade dentri dai 3 di Jugn. Il bant e i modui a son disponibii sul sît www.comune.udine.it. Par informazions al è ancje pussibil contatâ la Agenzia Giovani dal Comun, in viâl Duodo 77, di lunis a vinars di 8.45 a 12.15, clamant il numar 0432/271305 o ae direzion di pueste agenziagiovani@comuen.udine.it.