Disponibii altris 120 puescj intai centris estîfs comunâi

A son a disposizion altris 120 puescj intai centris estîfs comunâi. Cun di fat il Comun al à metût a disposizion altris 21 mil euros par cuvierzi il servizi. Chest an ae aministrazion comunâl a son rivadis domandis par 974 fruts e su par jù 2 mil turnis sui 1535 disponibii in principi. I Centris estîfs a cuvierzaran, su turnis di 10 zornadis, il periodi tra i 16 di Jugn a i 25 di Avost cun 5 sedis pai grups dai 6 ai 11 agns (di Toppo Wassermann, Boschetti-Alberti, San Domenico, Zorutti, Pellico) e 4 pai Cre 3-6 agns (Benedetti, Zambelli, Baldasseria Media, Volpe). Cun di plui pe prime volte chest an la aministrazion comunâl e à viert une sede a sud de stazion dongje de scuele Boscetti Alberti. Lis prenotazions a varan di sei confermadis tra i 3 i 11 di Jugn. Lis prenotazions che no saran confermadis a saran canceladis e dai 17 di Jugn i puescj ancjemò disponibii a saram metûts a disposizion di altris personis in liste.