Eficience energjetiche, vinars cors pai Comuns

Dai intervents par vê implants di lûs publiche a led ae sostituzion des cjalderiis intes struturis comunâls, de ricualificazion dai infìs ae metude in vore di panei solârs: a son dome un pocjis des oparis che a àn chê di miorâ la eficience energjetiche e che a puedin permeti ai Comuns di otignî incentîfs economics. Propit par cognossi plui a fonts chest teme il Comun di Udin al promôf par vinars ai 9 di Mai, di nûf di matine a une dopodimisdì (9.00-13.00) a palaç Morpurgo, un ‘seminari tecnic sui Titui di eficience energjetiche e sul Cont energjie termic pe ricualificazion dal patrimoni imobiliâr public. L’incuintri, in plui che al personâl dal Comun di Udin, al è viert sore nuie al rest dai Comuns de provincie. Relatôrs a saran Alessandro Vezzil, espert di finance facilitade tal setôr de eficience energjetiche, e Domenico Albanese, consulent energjetic ambientâl. Par iscrivisi al baste inviâ une mail cun non, cognon e ent di partignince ae direzion di pueste eletroniche antonella.carrieri@comune.udine.it. I puescj disponibii a son però limitâts, duncje lis iscrizions a saran acetadis daûr dal ordin cronologjic di rivade.