Parc machinis sore nuie te domenie di “Shopping Days”

In te suaze dal fin setemane di “Shopping Days” il Comun al garantirà la viertidure straordenarie e gratuite di ducj i parc machinis in struture des 8 a matine aes 9 di sere di domenie ai 11 di Mai. Lu à decidût la aministrazion comunâl par sigurâ la so poie ae iniziative, rispuindint cussì ancje ae richieste di Confcumierç. Inte domenie di “Shopping Days” al sarâ duncje pussibil parcâ sore nuie al Magrini, Tribunale, Caccia, Moretti, Venerio e Andreuzzi cun di plui di ducj i puescj disponibii ator pe citât. L’Assessôr pe Mobilitât Enrico Pizza al sotlinee il fat che pe iniziative il centri di Udin al varâ a disposizion cirche 10 mil puescj machine e di chescj 2 mil in struture.