Inviât un plan di asfaltaduris su 24 stradis de citât

La Aministrazion comunâl e interven par tornâ a asfaltâ 24 stradis de citât. Il plan al jere stât fat bon ancjemò intal 2012, ma al jere restât blocât fin cumò par vie dal pat di stabilitât. Si trate di intervents che a varan un cost totâl di 850 mil euros e che a cjaparan dentri par intîr lis viis P.V. Ferrari, Bonini, Sbaiz, Magenta, Campoformido, Graonet e Lavariano, e in maniere parziâl i viâi Venezia, Tricesimo, Ledra e delle Ferriere, e lis viis S. Rocco, Milano, Valeggio, Lupieri, Zugliano, S. Pietro/Castions, del Cotonificio, G. Pieri, Feletto, Emilia, Romagna e Veneto. La consegne dai lavôrs ae dite che e à vinçût l’apalt e je stade fate îr. Vuê dopodimisdì, invezit, consegne dai lavôrs par met in sest la viabilitât dai Riçs e dongje dal Parc dal Cormôr.