Lunis cors gratuit par doprâ tablet e internet

Inte suaze dal progjet “Go On Italia” il Comun, adun cun Federanziani e Vodafone Italia, al à inmaneât un cors gratuit sul ûs di tablet e internet: une iniziative che e vûl svicinâ al ûs des tecnologjiis digjitâls cun chê di miorâ e semplificâ la vite cuotidiane dai citadins. Il cors al è indreçât aes personis che a àn plui di 54 agns e si davuelzarà alì de sale dal Consei comunâl lunis ai 5 di Mai di dîs e mieze di matine a misdì e mieç (10.30 – 12.30). Dal moment che a son dome 40 puescj al covente prenotâsi. Par fâlu si à di lâ alì dal PuntoInforma comunâl di vie Savorgnane o pûr telefonâ al 0432 414717 inte zornade di vinars ai 2 di Mai intes fassis orariis che a van di nûf e mieze di buinore a une e di dôs e mieze a cinc dopodimisdì (9.30 – 13.00 e 14.30 – 17.00).