Gnûfs criteris pe sponsorizazion di events

Su propueste dal Assessôr pes Ativitâts Economichis e Turistichis Alessandro Venanzi, la Zonte comunâl e à fat buinis lis liniis vuide e i criteris pal recupar e la gjestion des sponsorizazions par events e manifestazions a valence turistiche. In spiete di un regolament specific pe dissipline e la gjestion des sponsorizazions, lis liniis aprovadis a van a miorâ la cualitât dai servizis erogâts, favorî la inovazion e otignî economiis di belanç cun criteris di eficience, eficacie e trasparence. Lis prossimis grandis iniziativis dulà podê aplicâ lis gnovis indicazions tal recupar di sponsor a saran la Gnot Blancje dai 11 di Lui, Friuli Doc che si tignarà dai 11 ai 14 di Setembar, Nadâl in citât e il Prin dal an.