Cul prin di Mai in vore l’orari estîf tai museus citadins

I Museus Civics dal Comun di Udin a fasin savê che a partî di joibe prin di Mai al jentrarà in vore l’orari estîf. Fintremai la fin di Setembar, duncje, il Cjistiel, Cjase Cavazzini e il Museu Etnografic a saran vierts ogni dì, fale il lunis, di dîs e mieze di matine a siet sot sere (10.30 – 19.00). Cun di plui, cui 3 di Mai, il servizi di bus che di place Libertà al mene sù in cjistiel, al sarà in vore di dîs e mieze di matine a misdì e mieç e di trê e mieze dopomisdì fintremai sîs e mieze sot sere (10.30 – 12.30 e 15.30 – 18.30).