A cressaran i controi dilunc de viabilitât principâl

Passe 84 mil veicui (machinis in plui dal 90% dai câs) a son passâts dilunc di viâl Trieste intal zîr di une setemane. Pal 80% a àn rispietât i limits di velocitât, intant che chel altri 20% al leve avonde disore dai 50 km/h par rivâ, intun câs, fintremai a passâ i 160 km/h. Al è il dât jessût de sperimentazion intal control de velocitât fat, sore nuie, de dite bolognese GA Europa Azzaroni, inte dade jenfri i 12 e i 18 di Març. Su la fonde di chescj risultâts la Aministrazion comunâl, in cunvigne cul comandant de polizie locâl, e à decidût di incressi i controi dilunc de viabilitât principâl de citât. Si spere che, cul aument dai controi cul autovelox, ancje chel 20% che al passe i limits di velocitât si metarà in rie. In câs contrari al riscje la sospension de patente di 1 a 12 mês.