Presentazion dal progjet “Udine Greenways”

Al è stât presentât vuê di matine intune conference stampe in municipi a Udin il progjet “Udine Greenways”, un portâl e une aplicazion par vivi e cognossi il teritori. Il progjet svilupât dal ufici Agjende 21 dal Comun al à cjapât dentri altris 7 Comuns, ven a stâi Cjampfuarmit, Martignà, Pasian di Prât, Paulêt, Puçui, Tavagnà e Tresesin. Si trate di une aplicazion par celulârs che e permet di acedi aes informazions sui percors ciclopedonâi e sui ponts di interès de zone in timp reâl e ancje cuant che si è daûr a movisi. Il progjet al à cjapât dentri citadins, istituzions, scuelis, sogjets economics e associazions cul obietîf di promovi la sostenibilitât ambientâl, sociâl e economiche.