Fate buine la fusion tra Amga e Hera

Il Consei comunâl al à fatis buinis cun 25 vôts a pro e 16 contraris lis liniis di indreçament pe fusion tra Amga Multiservizi Spa e Hera Spa. La colaborazion cun Hera – al à dite il sindic Furio Fonsell – e sigurarà une stagjon gnove di invistiments intal setôr des energjiis rinovabilis e e met la citât di Udin intune suaze di macroregjon europeane, dal moment che la capitâl furlane e podarà intervignî intes decisions sul avignî de energjie e dai servizis publics in cheste aree grade. Cun di plui Honsell al à ricuardât cemût che la fusion e rapresente “un pas impuartant soredut pal teritori e pal Friûl-VJ”. A chescj vantaçs – al à continuât il prin citadin – si zontin chei leâts ae difese garantide dai puescj di vore.