Il Plan di azion comunâl si ferme fin ai 15 di Otubar

Cul prin di Avrîl il Plan di azion comunâl, che al met adun lis misuris par limitâ l’incuinament atmosferic, nol sarà plui in vore fintremai i 15 di Otubar. Fin a chê date, duncje, a saran suspindudis dutis lis limitazions ae circolazion stradâl e al ûs dai implants di riscjaldament dai edificis. In chescj prins mês di ativitât dal Plan la cualitât dal aiar che lis centralinis de ARPA a àn misurât in citât si son mantignudis dentri dai valôrs limit fissâts de Union Europeane. Intant de ultime stagjon, tra l’Otubar dal 2013 e il Març dal 2014, i superaments dai nivei di incuinament dal aiar a son stâts 24, disot dai 35 che lis istituzions europeanis a àn metût come numar massim.