Nomenade la gnove presidente de Fondazion Renati

Cristina Zannier e je la gnove presidente de Fondazion Renati di Udin. Lu à comunicât il sindic, Furio Honsell. La Zannier, che e cjape il puest dal ex president Fabio Illusi, e jere stade a cjâf dal ufici de aree servizis pe didatiche de Universitât dal Friûl e e jere stade responsabile dal progjet di realizazion de Scuele superiôr dal ateneu furlan. Dal 2007 e jere za membri dal consei di aministrazion de Fondazion Renati. Al puest de Zannier il Comun al à nomenât intal consei Liliana Cargnelutti.