Ai 14 di Març scree de Cjase des Feminis

Si scree doman vinars ai 14 di Març, in vie Pradamano 21, la Cjase des Feminis, la prime struture dute dedicade al univiers feminin che il Comun di Udin e la Comission pe paritât a àn metût sù inte capitâl furlane. Pe ocasion, inte suaze de manifestazion Calendidonna, al è in program un calendari siôr di apontaments che a tachin doman a cinc dopomisdì (17.00) e che a laran indenant par une disine di zornadis. La scree de Cjase des Feminis e sarà ancje al centri di une direte radiofoniche trasmetude su Onde Furlane, tra cinc e siet dopomisdì, inte suaze dal progjet Udin par furlan.