Rivade insom la edizion 2013-2014 di “Students in patulie”

Si è sierade vuê, cu la visite ae sale operative dal comant de polizie locâl, la edizion 2013-2014 di “Students in patulie”, il progjet inmaneât cul cuarp di polizie locâl intune cuntun pôcs dai istitûts scolastics di Udin. Cheste volte la iniziative e à cjapât dentri 20 students e 5 insegnants dal istitût tecnic par gjeometris Marinoni che a àn compagnât i agjents intes lôr ativitâts sul teritori tant che il control dal trafic, il servizi a pît intal centri de citât, l’ûs dal telelaser e dal etilometri, lis rilevazions intal câs di incidents stradâi e i servizis di polizie comerciâl. “Students in patulie” e je une des ativitâts di educazion stradâl puartadis indenant de polizie locâl che, vie pal 2013, e à cjapât dentri in dut 910 students. Doman invezit, vinars ai 21 di Fevrâr, la polizie locâl e inviarà un percors educatîf par 140 students des classis tiercis de scuele secondarie di prin grât Fermi là che a saran tratâts temis tant che l’ûs responsabil de biciclete, la vuide cul ciclomotôr, la velocitât e la vuide sot de influence dal alcul.