Indenant i lavôrs par meti in sest lis stradis

A van indenant i lavôrs par meti in sest lis stradis comunâls che a àn patît dams par vie des ploiis bondantis coladis intes zornadis stadis. Plui in detai, intes ultimis oris, lis scuadris dal Comun a son intervignudis par comedâ i problemis che a interessavin viâl Tricesimo, vie Forni di Sotto, viâl Leonardo da Vinci, vie Cividale, vie Marinoni, place Patriarcato, vie Del Bon (te trate jenfri viâl Trieste e la ferovie), vie Modolêt, vie Frossi, vie delle Ferriere, vie Planis, vie De Rubeis, vie Veneto, vie Biella, vie Marco Volpe, viâl Ledra, taronde Puintat, vie Gorizia, plaçâl della Repubblica, plaçâl Cella, taronde Boccaccio, e vie Buttrio.