Intervents par meti in sest lis stradis

A van indenant i intervents dai tecnics dal Comun par meti in sest lis stradis che a àn vût dams par vie de ploie di chescj dîs. Intes ultimis 24 oris i tecnics comunâi a son intervignûts su vincj tra stradis e placis de citât, ven a dî in vie S. Roc, in puarte Vilalte, intes viis Baldasseria, Bidernuccio, Oslavia, Cuneo, Uccellis, Crispi, in plaçâl Cella, in vie Marangoni e in vie Lomabardia, in viâl Venezia, in viâl delle Ferriere, intes viis della Faula, Baldasseria Media, Gemona, Selvuzzis, Valvasone, Grazzano e in place Garibaldi. In rispueste aes segnalazions rivadis dai citadins, il Comun al à fat 3 intervents cu la scuadre di reperibilitât che lunis di sere e à lavorât in vie Buttrio, in vie Tavagnacco e in plaçâl Cella. I uficis comunâi a ricuardin che lis segnalazions a puedin jessi presentadis al pront intervent de Polizie Locâl (0432-271333) o sul sît internet de aministrazion comunâl, alì de vôs “segnalazions”.