Vierte di gnûf al trafic vie Savorgnane

Il Comun al fâs savê che cun vuê, lunis ai 10 di Fevrâr, e je di gnûf vierte al trafic vie Savorgnane. La sieradure de strade e jere stade decidude par cause di une pierdite intes fognis che a veve fat dams ae pavimentazion. Il CAFC, titolâr de gjestion e de manutenzion de rêt fognarie, al à proviodût a comedâ la condote e po dopo a tornâ a sistemâ la pavimentazion lassant cussì la pussibilitât di tornâ a vierzi la circolazion ancje pes machinis.