Cors di formazion par letôrs volontaris

Ancje chest an la sezion pai fruts e pai fantats de biblioteche civiche Joppi e propon une gnove edizion dal cors base di formazion par letôrs volontaris. La iniziative si sviluparà su trê apontaments in program lunis ai 24 di Fevrâr di cuatri dopodimisdì a siet sot sere (16.00-19.00), martars ai 25 di Fevrâr di nûf di matine a misdì (9.00-12.00) e lunis ai 3 di Març di cuatri dopodimisdì a siet sot sere (16.00-19.00). Il cors, puartât indenant di Marzia Plaino e Daniela Bianchi, si davuelzarà inte sede de biblioteche di vie Bartolini 3 inte suaze dal progjet Nassûts par lei. La partecipazion e je sore nuie, ma i puescj a disposizion a son vincj in dut. Lis iscrizions a àn di jessi fatis alì de sezion pai fruts e pai fantats de biblioteche dentri dai 17 di Fevrâr. Par vê plui informazions si pues clamâ il 0432 271585 o scrivi ae direzion di pueste eletroniche bcur@comune.udine.it .