Adesion al manifest cuintri dal zûc di azart

Ancje il Comun al aderìs al manifest dai sindics pe legalitât cuintri dal zûc di azart, un moviment formât di plui di 200 ents locâi talians che a domandin gnovis normis par regolâ e limitâ il svilup di un fenomen che al è daûr a cjapâ une dimension simpri plui gruesse e a causâ un aument impuartant des patologjiis leadis al zûc di azart. Il document, elaborât des aministrazions comunâls dentri des iniziativis de Scuele des buinis pratichis inmaneade di Terre di mezzo e Legautonomie Lombardia, al marche la dibisugne di intervents sei sul plan normatîf sei sul plan educatîf, culturâl, di informazion e formazion par rivâ a fâi cuintri a di chest fenomen.