Inzornât il Plan di Azion Comunâl

La Zonte comunâl e à sierât il prin periodi di sperimentazion dal Plan di Azion Comunâl e, dopo di vê stazât lis segnalazions dai citadins e des categoriis economichis e di vê sintût il parê de polizie locâl, e à inzornât il Plan di Azion Comunâl cuintri dal incuinament dal aiar. Intai inzornaments a son stadis introdusudis gnovis deroghis aes limitazions previodudis ae circolazion veicolâr. Plui in detai lis deroghis a cjapin dentri ancje:

– lis machinis pal traspuart di personis e di marcjanziis cun motôr diesel omologadis Euro 0, 1, 2 e 3, cun filtri antiparticolât segnalât su la cjarte di circolazion;

– i ciclomotôrs e lis motos Euro 0 e 1 cun motôr a benzine a 4 timps;

– i possessôrs di veicui che a dimostrin, cun autocertificazion, la dibisugne reâl di acedi ae aree improibide par operazions di caric e scaric;

– i veicui menâts di possessôrs di puescj machine in areis privadis logadis dentri de zone des limitazions;

– i veicui menâts di cui che al à l’abonament di un parc machine in struture;

– i veicui menâts di cui che al fâs assistence a personis cun pidiments fisics ancje leâts a malatie transitorie o a fruts sot dai sîs agns residents inte aree des limitazions.