Domandis pai nîts a partî dai 3 di Fevrâr

Il Comun al vise che lis domandis di amission al servizi integrât dai nîts de infanzie pal an 2014/2015 a laran presentadis inte dade che e va dai 3 di Fevrâr ai 30 di Avrîl. Par presentâ la domande al baste jemplâ il modul prestampât che si cjate alì dai uficis dal Servizi integrât – gjestion aministrative di viâl Ungheria e chei altris documents indicâts sul modul. Lis pratichis a podaran po jessi consegnadis intai stes uficis il lunis di vot e mieze di buinore a cuatri e mieze dopomisdì (8.30 – 16.30) e dal martars al vinars di vot e mieze di buinore ae mieze (8.30 – 12.30). Il modul pe domande si pues ancje discjariâlu dal sît internet dal Comun alì de direzion www.comune.udine.it inte sezion “Udine la città dei bambini”.