Tarifis dai taxi sbassadis dal 10% ancje in citât

Dopo vê fat bon il sbassament des tarifis extra urbanis pai taxi, la Zonte comunâl, su propueste dal Assessôr pes ativitâts economichis e turistichis Alessandro Venanzi, e à aprovât la propueste dal CAPU (Consorzi tra Autiscj de Place a Udin) par sbassâ ancje la tarife urbane. Doprâ un taxi dentri dal teritori comunâl al costarà cussì il 10% in mancul. Cun di fat, par leç, lis tarifis dai taxis a vegnin decidudis des societâts e des aministrazions comunâls. Par chel che al rivuarde lis tratis urbanis a Udin la corse minime a costarà 6,12 euros intant che pai scats seguitîfs a varan 9 centesims in plui ogni 100 metris. Pes tratis extraurbanis invezit la tarife chilometriche e je di 0,93 centesims.