La reson dai dissuasôrs in place S. Jacum

L’assessôr pe Mobilitât, Enrico Pizza, al è intervignût par spiegâ lis resons che a àn puartât a meti dai dissuasôrs denant de glesie di place S. Jacum. Si trate di palets che a àn chê di protezi la aree a pene restaurade, di maniere che si sesti e che lis lastris no vegnin ruvinadis dai mieçs che ogni tant si fermin alì. In câs contrari – al à zontât l’assessôr – si riscje di lâ indenant a spindi bêçs publics par comedâ ce che al patìs dam par vie de incurie. Une volte che il teren si sarà sestât la aministrazion, su la fonde dai risultâts di cheste sperimentazion, e decidarà se tignî o pûr gjavâ i dissuasôrs.