Tais al Traspuart Public Locâl

I tais de Regjon al Traspuart Public Locâl adun cu la eventualitât de conferme des liniis di direzion fissadis de Provincie a podaressin puartâ a di un sbassament dal servizi ancje a Udin. Intal concret si varessin mancul corsis intes zornadis di fieste pes liniis 6 e 7, ma il sbassament al podarès tocjâ, simpri intai festîfs, ancje altris autobus frecuentâts tant che l’1 e il 4. Cun di plui si podarès vê la diminuzion di cualchi corse par chel che al rivuarde i oraris dai dîs di vore cun mancul intensitât su lis liniis 1, 4, 5, 8 e 11. I tais a son dal 5% su lis risorsis disponibilis e a puartaressin lis disponibilitâts pe provincie di Udin di 16 a 15,3 milions di chilometris, cuntun sbassament di passe 140 mil chilometris dome sul teritori comunâl.