Il sindic Honsell sui controi de polizie locâl

In merit ai controi de polizie locâl intant des primis zornadis di metude in vore dal gnûf Plan di Azion Comunâl, che al previôt ancje limitazions intal acès dai veicui a motôr inte aree cjapade dentri dal anel dai viâi de citât, il sindic Furio Honsell al à spiegât che la idee de aministrazion comunâl e je chê di evitâ di dâ la impression di une citât blindade. Cun di fat, dal moment che si trate di une misure struturâl cun finalitât preventive, i citadins a àn bisugne di usâsi ae novitât. I controi de polizie locâl duncje a son stâts, al à zontât, Honsell, ma si à sielzût di no doprâ la man pesante. Ancje intai prossims mês la aministrazion comunâl e lavorarà massime par sensibilizâ i citadins su la impuartance di tignî ducj cuancj compuartaments virtuôs sul front dal incuinament dal aiar.