Presentât il gnûf belanç di gjenar dal Comun

Ai 19 di Dicembar al è stât presentât il gnûf belanç di gjenar dal Comun, rivât zaromai ae seste edizion. Pe assessore pe paritât, Cinzia Del Torre, cun cheste gnove edizion si è passâts di un document di rindicontazion a di un imprest di proposizion des politichis di svilupâ. “Dongje de classificazion di gjenar dal belanç comunâl – e à zontât la assessore – chest an si à volût meti adun i dâts e lis informazions sul cuartîr des Magnoliis, là che a son stadis cjatadis fûr problematichis specifichis e propuestis di miorament pensadis di pueste par chê situazion”. Si trate di iniziativis che si tacarà a meti in vore za cui prins mês dal 2014. Intal belanç a son dentri ancje altris novitâts, tant che i progjets fats indenant dal Comitât unic di garanzie pe paritât e i pas indenant fats dal servizi Zero Tolerance. Il belanç di gjenar al sarà disponibil in curt intai uficis comunâi e sul sît internet dal Comun alì de direzion www.comune.udine.it .