Ai 19 di Dicembar si presente il Belanç di gjenar

Il Belanç di gjenar 2013 dal Comun di Udin al sarà presentât joibe ai 19 di Dicembar a cuatri e mieze dopomisdì (16.30) intal salon dal plan nobil di palaç Morpurgo in vie Savorgnane 12 cu la partecipazion dal sindic Furio Honsell e de assessore comunâl pe paritât Cinzia Del Torre. Il belanç di gjenar al è un imprest di rindicontazion e di analisi che al cîr di presentâ l’impat che lis politichis sociâls e economichis de aministrazion comunâl a àn su lis feminis. Cun di fat, a seconde des funzions davueltis dentri de societât e dai carics lavoratîfs e familiârs, lis dibisugnis a son diferentis e diferents a son ancje i efiets des sieltis fatis des aministrazions. Il belanç di gjenar al devente duncje, no è duncje util dome par fâ un cuadri de situazion, ma ancje par indreçâ lis sieltis che si fasarà. “Il gnûf belanç di gjenar – al à spiegât Honsell – al devente cussì un imprest operatîf par ativâ procès di scolte gnûf e propuestis di intervent”.