Dai 2 ai 12 di Dicembar lavôrs su la trate Udin – PM Vât

Par permeti a Rete Ferroviaria Italiana di fâ lavôrs di manutenzion straordenarie su la trate feroviarie jenfri Udin e il Puest di Moviment Vât, cun lunis ai 2 di Dicembar si varan limitazions pal trafic su lis viis Del Bon, Cividale, Planis e Buttrio. Plui in detai di 7 di buinore di lunis ai 2 di Dicembar e fin 5 dopomisdì di martars ai 3 in vie Del Bon, al dret dal passaç a nivel dongje di vie Albona, nol sarà permetût il passaç. Di 7 di buinore di miercus ai 4 di Dicembar e fin 5 dopomisdì di joibe ai 5 di Dicembar, invezit, i lavôrs si spostaran in vie Cividale cu la sierade dal passaç a nivel. Di 7 di buinore di lunis ai 9 di Dicembar e fin 5 dopomisdì di martars ai 10 di Dicembar a jessi sierât al sarà il passaç a nivel di vie Pola, al dret de crosere cun vie Albona. Ultin a sierâ in ordin di timp al sarà il passaç a nivel di vie Buttrio alì de crosere cun vie Valeggio là che il passaç al sarà sierât di 7 di buinore di miercus ai 11 di Dicembar fin a 5 dopomisdì di joibe ai 12 di Dicembar.