“Tavolo a pedali”, la biciclete tant che mieç sostignibil

Inte suaze dal progjet “Tavolo a pedali” il Comun al inmanee a 4 e mieze di martars ai 26 di Novembar a Palaç D’Aronco un incuintri viert a dutis lis realtâts publichis e privadis che si proponin pal disvilup de biciclete tant che mieç di traspuart sostignibil. Al è dimostrât che tes citâts dulà che a circolin plui bicicletis si àn mancul incidents, al à dit l’Assessôr pe mobilitât e pal ambient Enrico Pizza, e che la biciclete e je il mieç plui svelt par spostâsi in citât. Par chest motîf, al à continuât Pizza, adun cu la Assessore Raffaella Basana, o vin pensât di inviâ cheste iniziative che si propon di fa scuadre cun dutis lis realtâts dal teritori interessadis a promovi l’ûs di chest mieç. Il “tavolo a pedali” al è cussì un spazi di discussion, colaborazion e confront che in divignî al è destinât a deventâ un contignidôr di progjets coordenâts e sinergjics.